全球亂訴版權法

　　Apple於一月的MacWorld中公佈iPhone,遭Cisco控告侵犯了其註冊商標;道:「iPhone乃一九九六年Infogear所註冊,而其後在二千年,Cisco收購了Infogear,故iPhone成為了Cisco旗下Linksys的IP網絡電話產品名稱。(問題已經解決)
　　Microsoft於去年十一月推出Office Live被一家叫Office Live的公司控告侵犯了其註冊商標,該公司於二零零二年註冊了Office Live,並經營了三個網站，主要業務是提供消費者免費的專業建議，並為企業提供潛在客戶。(談判已經破裂)

以下乃本人擤鼻涕之作,內容為家長指引類別,並且要求閣下能操流利廣東話以閱讀內容

．
．
．
．
．
．

　　而家係咪一定要做電腦先叫得做Bill Gate先?我叫Bill Gate,我中意做乞衣,你吹得我脹呀?係唔係一定要香港首富先可以叫得做李嘉誠?我痾個B出嚟又叫李嘉誠,你咬我食呀?我係中意做李嘉誠老竇,吹咩?喂!我都有拎出世紙、有註冊身份證嫁!
　　名黎啫,洗唔洗咁呀?中共拎左人地日文字嚟抄抄改改都叫得做中文啦,你地唔係以為同名就一定係同一樣嘢呀?你叫陳大文咩?我都係喎,乜咁啱呀?落街買包Tempo用,就咪鬼以為Tango同Tempo差唔多樣就係同一樣嘢嚟先得架!個樣生到同董建華一「輪」樣,咁都唔係侵犯版權,冇計啦;我叫Tempo嘛。
　　他朝有一日,有個叫布殊嘅玩恐怖襲擊炸白官,拉登話反恐;一個個樣似唐英年,一個個樣似陳馮富珍,都咪話唔頂癮。