星期六, 6月 16, 2007

離怪

  話說我今年入住的宿舍一直存在着一些不思議事件,先有半夜敲門,但走廊空無一人;再有沒放進電池的收音機神奇播歌;天臺傳來的拉櫈聲、房中迴盪的波子聲,以至無接線電話怪男來電......
  直至昨天,在蹲式馬桶附近接連發現糞便碎片,其中早上發現的酷似豬紅。但事件並不尋常,因為據有二十年以上大便經驗人仕指出,噴瀉出界的概率為負數,此事件實在二十年難遇。
  究竟此等怪事,是人為,還是靈異?最終還是沒有定案,然而,怪事一定會在珠暨5615延續下去。

******************** ********************

2 個留言:

湘雯 提到...

好驚喎~沒放進電池的收音機神奇播歌,難道真的有...科學上真的解釋唔到!

波子聲我記得讀書时miss說過是樓宇結構的問題,一定會有!

我也幫你找了資料:
所謂的奇怪波子聲其實係建築上的問題。因為每一幅牆、天花、地板等等的內部都會有好多唔同的物質、物料,會在平時的生活中有冷縮熱漲,他們的中間會產生空隙。於是,到了夜晚的時分,每次的收縮,都會有一些奇怪的聲音,就是"波子聲"。

來源:http://hk.knowledge.yahoo.com/question/?qid=7006091703666

拉櫈聲是否也是波子聲?
半夜敲門可能係你d同學的惡作劇!
至於便便呢,可能是你d同房胡亂解決吧!

Tempo 提到...

但我地房聽到嗰啲波子聲,唔係平時喺屋企聽到嗰啲,呢度聽到嗰啲,係一拃跌落嚟咁,仲要係喺房入面,四個人坐喺自己檯,同一時間扭轉頭望向房中間,乜都冇...
拉櫈聲,好肯定係拉櫈聲,因為我地都拉櫈比較過...但我地住頂樓,天檯上面得啲太陽能收集板,冇可能有人拉櫈...
至於敲門,就有一晚四點,出面有個人不停咁敲門,我地大聲問邊個呀,冇人應,佢繼續大力咁敲,直至開門嗰秒,都仲敲緊,不過一開門,乜都冇...間間房都熄晒燈,而且我地走廊中間,要走去哩埋或者去兩邊樓梯,最快都要十秒,除非佢跳落去...
至於大便呢,我地由開學到而家都未見識過,都幾核突...但我諗唔會有人咁準繩,咁都出界掛...= =